రెగ్యులరైజ్డ్ అధ్యాపకుల సమస్యల పరిష్కారానికి కృషి చేయాలి

నాంపల్లి , ట్రైనెట్ న్యూస్ ఆగస్ట్ 17 : 2023లో రెగ్యులరైజ్ అధ్యాపకుల ప్రొబేషన్ డిక్లరేషన్, వార్షిక ఇంక్రిమెంట్లు, సర్వీస్ సంబంధిత సమస్యలను పరిష్కరించాలని కోరుతూ పార్లమెంట్ సభ్యుడు వేమ్ నరేందర్ రెడ్డి ని తెలంగాణ గవర్నమెంట్ లెక్చరర్స్ అసోసియేషన్ ప్రతినిధులు స్పోర్ట్స్, పశుసంవర్ధక శాఖ మంత్రి వాకాటి శ్రీహరి ఆధ్వర్యంలో మర్యాదపూర్వకంగా కలిసి వినతి పత్రాన్ని సమర్పించారు. 2023లో రెగ్యులరైజ్ అధ్యాపకులు ఎదుర్కొంటున్న ప్రొబేషన్ డిక్లరేషన్, వార్షిక ఇంక్రిమెంట్లు సర్వీస్ సమస్యలను త్వరితగతిన పరిష్కరించాలని కోరారు. ఈ సందర్భంగా వేమ్ నరేందర్ రెడ్డి సానుకూలంగా స్పందిస్తూ.. 2023 రెగ్యులరైజ్ అధ్యాపకుల సమస్యల పరిష్కారానికి ప్రభుత్వం తరఫున పూర్తి సహకారం ఉంటుందని హామీ ఇచ్చారు. అధ్యాపకుల సమస్యలను ప్రభుత్వం దృష్టికి తీసుకెళ్లేందుకు సహకరించిన మంత్రి శ్రీ వాకాటి శ్రీహరికి ప్రత్యేక కృతజ్ఞతలు తెలిపారు. కార్యక్రమంలో అసోసియేషన్ రాష్ట్ర అధ్యక్షులు కుమార్ , కోశాధికారి ఉపేందర్ , హైదరాబాద్ జిల్లా నాయకులు మోహన్, జిల్లా కార్యదర్శి రామ్మోహన్, రాష్ట్ర నాయకులు అనిల్ రెడ్డి, మేడ్చల్ జిల్లా కోశాధికారి భాను రవి పాల్గొన్నారు.