హైద్రాబాద్ , ట్రైనెట్ న్యూస్ సెప్టెంబర్,23.
ఎస్ ఐ ఆర్ 2 పై ఈరోజు సికింద్రాబాద్ హరిహర కళా భవన్ లోని మున్సిపల్ కార్యాలయంలో అమీర్‌పేట్ డిప్యూటీ మున్సిపల్ కమిషనర్ మరియు సనత్‌నగర్ ఈ ఆర్ ఓ శ్రీమతి సుజాత గారి ఆధ్వర్యంలో అఖిలపక్ష సమావేశం జరిగింది.
ఈ సమావేశంలో ఎస్ ఐ ఆర్ విధానంపై చర్చించారు.
ఈ కార్యక్రమంలో పాల్గొన్న మాజీ మంత్రివర్యులు, ఎన్ ఎం డి సి మాజీ ఉపాధ్యక్షులు మరియు బీజేపీ జాతీయ కౌన్సిల్ సభ్యులు శ్రీ మర్రి శశిధర్ రెడ్డి గారు మాట్లాడుతూ, పెండింగ్‌లో ఉన్న నోటీసులను సంబంధిత ఓటర్లకు వెంటనే అందజేయాలని సూచించారు. నోటీసులు అందజేసిన వారి నుండి త్వరితగతిన జవాబులు తీసుకోవాలని కోరారు. ఏ ఒక్క అర్హత కలిగిన ఓటును కూడా కోల్పోకుండా చూడాల్సిన బాధ్యత అధికారులపై ఉందని, ఒకవేళ అర్హత కలిగిన ఓటును తొలగిస్తే వారి తరపున పోరాడటానికి సిద్ధంగా ఉన్నామని తెలిపారు.
ఈ కార్యక్రమంలో ఏ ఈ ఆర్ ఓ గాయత్రీ,
బీజేపీ జిల్లా ప్రధాన కార్యదర్శి నెమిలి ఆనంద్, రాష్ట్ర కార్యవర్గ సభ్యులు ఇ. దయానంద్, ఇతర నాయకులు ఆకుల మహేష్, క్రాంతి కుమార్, వి. దయానంద్ రావు, శ్రీమతి అశ్విని తదితరులు పాల్గొన్నారు.
