రవీంద్ర భారతి, ట్రైనెట్ న్యూస్అక్టోబర్ 13 :
తెలంగాణ భాషా సాంస్కృతిక శాఖ ప్రతిష్టాత్మకంగా నిర్వహిస్తున్న బతుకమ్మ సంబరాలు రవీంద్రభారతిలో మంగళవారం నాలుగవ రోజు నాన బియ్యం బతుకమ్మ పేరిట అత్యంత వైభవంగా సాగాయి. ఈ వేడుకల్లో మహిళలు డప్పులతో సప్పుడుతో పాల్గొని, రంగురంగుల తంగేడు, గునుగు పూలతో అలంకరించిన బతుకమ్మల చుట్టూ కోలాటాలు ఆడుతూ, సాంప్రదాయ పాటలతో ఆకట్టుకున్నారు. ఈ కార్యక్రమానికి భాషా సాంస్కృతిక శాఖ సంచాలకులు డా.ఏనుగు నరసింహారెడ్డి ఐఏఎస్ హాజరై ప్రసంగించారు. ప్రకృతితో మమేకమై, పూలనే దైవంగా భావించి పూజించే అరుదైన సాంస్కృతిక మహోత్సవం బతుకమ్మ అని ఆయన కొనియాడారు. "మన సంస్కృతి, సాంప్రదాయాలు మరియు మానవీయ విలువలను తరతరాలకు అందించడంలో ఈ పండుగ కీలక పాత్ర పోషిస్తుంది. సమిష్టితత్వానికి, తెలంగాణ ఆత్మగౌరవానికి బతుకమ్మ వేడుకలు ప్రతీకగా నిలుస్తాయి" అని పేర్కొన్నారు.
నానబెట్టిన బియ్యం, బెల్లం నైవేద్యంగా సమర్పించే ఈ నాలుగో రోజు సంబరాల్లో మహిళలతో పాటు చిన్నారులు, కళాకారులు, వివిధ సేవా సంస్థల ప్రతినిధులు విశేషంగా పాల్గొని భక్తిశ్రద్ధలతో, ఆనందోత్సాహాల మధ్య వేడుకలను జరుపుకున్నారు.
ఈ కార్యక్రమంలో శాఖ సిబ్బంది పాల్గొన్నారు.తుకమ్మ వేడుకలు:
