విద్యతో పాటు విలువలను పెంపొందించుకోవాలి: బండారు దత్తాత్రేయ

విద్యతో పాటు విలువలను పెంపొందించుకోవాలి

-హర్యానా మాజీ గవర్నర్ బండారు దత్తాత్రేయ

పాల్గొన్న బీజేపీ రాష్ట్ర అధ్యక్షుడు రామచంద్ర రావు

హైదరాబాద్, రవీంద్ర భారతి, ట్రైనెట్ న్యూస్

సెప్టెంబర్ 21:

విద్యతో పాటు విలువలను పెంపొందించుకోవాల్సిన అవసరం ఎంతైనా ఉండని హర్యానా మాజీ గవర్నర్ బండారు దత్తాత్రేయ అన్నారు. సోమవారం రవీంద్రభారతిలో ఎడ్వాంటా డిగ్రీ కళాశాల గ్రాడ్యుయేషన్ డే వేడుకలను ఘనంగా నిర్వహించారు. కార్యక్రమానికి ముఖ్యఅతిథిగా దత్తాత్రేయ పాల్గొన్నారు. ఈ సందర్భంగా ఆయన మాట్లాడుతూ .. గ్రాడ్యుయేషన్ అనేది విద్యార్థుల జీవితంలో ఒక దశ పూర్తయిందని మాత్రమే కాకుండా కొత్త బాధ్యతలు అవకాశాలకు నాంది అని తెలిపారు. డిగ్రీ పట్టా పొందిన విద్యార్థులు తమ విద్యను సమాజానికి ఉపయోగపడేలా వినియోగించాలని సూచించారు. ప్రస్తుత పోటీ ప్రపంచంలో మారుతున్న టెక్నాలజీ అనుగుణంగా విద్యార్థులు నిరంతరం కొత్త విషయాలను నేర్చుకోవాలని పేర్కొన్నారు. బీజేపీ రాష్ట్ర అధ్యక్షులు ఎన్. రామచంద్ర రావు మాట్లాడుతూ.. విద్యార్థులు అవకాశాలను సృష్టించుకునే స్థాయికి ఎదగాలని పిలుపునిచ్చారు. డిగ్రీతో పాటు కమ్యూనికేషన్ స్కిల్స్, సాంకేతికతపై అవగాహన, నిర్ణయాలు తీసుకుని నైపుణ్యం నాయకత్వ లక్షణాలు ఎంతో అవసరమని తెలిపారు. కార్యక్రమంలో ఆదాయ పన్ను శాఖ అదనపు కమిషనర్ అనురాధ, కళాశాల డైరెక్టర్ చాందిని చౌదరి తదితరులు పాల్గొన్నారు.