లక్ష పూలతో గణనాథునికి ప్రత్యేక పూజలు
600 దీపాలతో ఆకట్టుకున్న దీపాలంకరణ
హైదారాబాద్,చెంగిచర్ల, ట్రైనెట్ న్యూస్, సెప్టెంబర్ 22:
చెంగిచర్లలోని మహాగణపతి నగర్ కాలనీలో గణనాథుని ఉత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో భాగంగా ఎనిమిదవ రోజు సందర్భంగా గణనాథుడిని లక్ష పూలతో ప్రత్యేకంగా అలంకరించి పూజలు నిర్వహించారు.
అదేవిధంగా మండప ప్రాంగణంలో 600 దీపాలతో ప్రత్యేక దీపాలంకరణ చేపట్టారు. వందలాది దీపాల వెలుగులతో గణనాథుని మండపం శోభాయమానంగా మారి భక్తులను విశేషంగా ఆకట్టుకుంది.
ఈ ప్రత్యేక పూజా కార్యక్రమంలో కాలనీ మహిళలు పెద్ద సంఖ్యలో పాల్గొని, భక్తిశ్రద్ధలతో గణనాథునికి పూజలు నిర్వహించారు. అనంతరం భక్తులు స్వామివారి దర్శనం చేసుకుని తీర్థప్రసాదాలు స్వీకరించారు. మహాగణపతి నగర్ కాలనీలో నెలకొన్న ఆధ్యాత్మిక వాతావరణం భక్తులను అలరించింది.
